السلام عليكم د.أحمد

بعد دورة الدراسة بالعقل الباطن

حابه ابشرك اني الحين صرت استمتع بالدراسة لاني:

فهمت موضوع المادة قبل ما ادرسها

فهمت الهدف من دراستها

قدرت اوصل للمهم وتركت الغير مهم

اختصرت وقت الدراسه

صار عندي وقت للراحه

خف شعور التوتر والمحاتاة

مشكوووووور دكتور

الله يعطيك الصحة والعافية

ويبارك لك بعلمك وبعملك

السلام عليكم

.شلونك دكتور.

تشغيل العقل الباطن واايد ممتاز. اول شي حفظي صار سريع. اليوم قاعد ادرس انجليزي حفظت معاني 25 كلمة ب عشر دقائق فقط و 45 كلمه ب عشرين دقيقه. الحمدالله و الاوامر تتنفذ على طول. بالصف حسيت ببرد عطيت امر ابي أدفى فورا حسيت بدفى. عطيت امر ابي اكل وايد. كثر ما اكل عقب ساعه اشوف نفسي جوعان. عطيت امر ابي اكل شوي و اشبع همن تنفذ الامر. مجرد مااغمض و اكلم عقلي ابي هالشي يصير. و امتحان الفيزيا مسأله توهقت فيها استنتجتها مادري شلون وحليت حتى يبت درجه كامله. فهمي و استيعابي اسرع وايد من قبل .امتحان الاحياء درست على الطريقه الحسابيه حليت كل شي درسته بهالطريقه بس اللي مادرسته بهالطريقه نسيت المعلومه.



هذا واتساب جاءني من مشترك فى البرنامجين :برمج حياتك والمذاكرة بالعقل الباطن

السلام عليكم

دكتور شكرا لك

ابي أبشرك بالنتائج الي حصلت عليها من دورة المذاكرة بالعقل الباطن

اختصرت لي الوقت في المذاكرة و المراجعة

طبق الطريقة بعد انتهاء من الدرس، و تكون المراجعة سهلة وسريعة وبوقت اقل

اغمض عيوني واشوف الإجابة جدامي و ما أنساها

الحمدالله صارت الدراسة ممتعة

خلصت البرنامج وطبقته على مادة stat اخذت وقت بس النتيجه ممتازة.عدد صفحات التشابتر 57. صارت بعد التحويل 7

شكرا دكتور . الانطباع رائع لان النتيجه ظهرت بعد اول تحويل للتشابتر. قرأت المعادلات مجرد قراءة مو للحفظ، فلاحظت ان جزء كبير من المعلومات اثناء القراءه كأني حفظته الحمد لله. طبقتها في مادة ثانية فكانت المفاجأة إن بعد التحويل مباشرة اكون تقريبا حفظته. تقريبا بمجرد النظر للمعادلات. الله يجزاك الخير على البرنامج

السلام عليكم دكتور. حبيت ابلغك بالاتي: زاد التركيز في المحاضرات مع ان انا من النوع اللي يركز .لكن التركيز صار مصحوب بالحفظ المباشر .وفي اثناء شرح الدكاترة احول كلامهم الى معادلات ذهنيه . الله يعطيك العافية

تم مشاهدة الجزء الاول الخلاصة متقنه 👌💃

جزاك الله خير على الجهد الواضح في اتقان/ > تسلسل الدروس .

> تجميع الدروس في مقارنات مفهومة .

> واعطاء موجز لها يا دكتور 💪👏

لم يسبق لي دراستها بهذا الشكل ✋ ماشاء الله لاقوة الا بالله